Hpaw hpang ai

Ningbaw       :       Madu e, nye a n’ten hpaw ya e.

Shawa            :       Shaloi, nye a n-gup nang hpe shakawn na nngai.

Saw Shaga ga

Rau:  Du sa na ra ai Hkawhkam wa, Madu Karai Kasang hpe nawku nga ga.

Daini, ngu nna, naw tsun lu ai laman hte hta, shani shagu shada da shadum jahprang nga mu (Heb.3:13)

Shakawn Kungdawn (94) (95)

Sa marit, Madu hpe kabu gara let shakawn ga; anhte hpe hkye hkrang la ai Madu hpe shagrau ga.

Chyeju dum let, Shi a man e anhte sit shang ga, Mahkawn mangoi let Shi hpe kabu gara shakawn ga.         

Karai Kasang gaw mahkra dang chye ai Madu, Karai ni a Karai, grau htum ai Wa rai nga ai.

Mungkan ga a sung htum ai lam, Shi a rai nga ai. Shi galaw ai nammukdara, Shi hte seng nga ai.

Hkarang ga hpe mung Shi gyin shachyaw da nu ai.                                                            

Sit shang wa marit, lahput hput di let, Anhte hpe hpan da ai Karai a man e dingyawm dagup nga ga;

Shi gaw, anhte a Karai Kasang rai nga ai hte, anhte mung Shi a lata hte woi la hkrum ai,

Shi a u dat na sagu hpung rai nga ga ai.

Dai majaw, daini Shi a nsen madat la mu! Moi, dai nhtoi hta Maribah makau hte,

Massah zaibru jang na zawn nanhte a myit masin hpe hkum shaja mu.

Dai yang e, nanhte a nji nwoi ni ngai hpe dinglik yu mi ai. Mali shi ning tup ndai amyu a matu myit ba ni ai;

Dai majaw; “shanhte a myit masin dam mat sai hte, nye a lam n chye ma ai ngu ni ai.”

Dai rai nna, “ngai nga nga ai shara hta shanhte n shang lu mu ga” nga nna masin pawt ai hte dagam ni ai.

Kawa, Kasha, Chyoi Pra ai Wenyi kaw hkungga shakawn nga u ga.

        Shawng ningpawt na hte maren, ya mung htani htana hkungga shakawn nga u ga law. Amen.

 

Mahkawn mangoi

Rau (1) (Antiphon)

Du sa ladaw: Dai nhtoi hta, dai bum ntsa dwi mu ai tsabyi ntsin lwi  na  ra  ai. Kawng  ni  hta  mung nga chyu hte lagat ntsin lwi na ra ai.

                                                                                                                                               Shakawn kungdawn (63:1-9)

Dai wa gaw, nsin a amu bungli ni hpe tawn kau nna, Karai Kasang hpe ala nga u-ga.

Na a atsam hte hpung shingkang mu lu n ga, Dai chyoi pra ai nta hta e ngai nang hpe mada nga nngai.

Na a chyeju gaw asak hta grau hpu nga ai, Nye a n-gup nang hpe shakawn na ra ai.

Naw hkrung nga yang, ngai nang hpe sha-a na nngai. Na a amying hte nye a lata hpe ngai sharawt na nngai.

Nye a yup-ku hta e nang hpe dum nna, Shana na ladaw hta e nang hpe myit nga yang,

Nye a myit masin sau ai, hpum ai hte hkru kat wa nna, Kabu gara ai nten hte nye a n gup nang hpe shakawn nga        ai.

Ngai hpe garum ai wa nang rai nga ndai: Na a singkaw a shingnip hta e ngai awng nga nngai

Nye a myit masin nang hpe hkan kanan nga nna, Na a hkra lata ngai hpe shadaw ya nga ai.

Nye a asak hpe jahten na tam ai ni chyawm gaw, Ga sung htum ai shara de shang na ma ai.

Kawa, Kasha, Chyoi pra ai Wenyi kaw hkungga shakawn nga u ga.

        Shawng npawt na hte maren, ya mung, htani htana hkungga shakawn nga u ga law.

Du sa ladaw: Dai nhtoi hta, dai bum ntsa e dwi mu ai tsabyi ntsin lwi na  ra  ai. Kawng  ni  hta  mung  nga chyu  hte lagat ntsin lwi na ra ai.

Du sa ladaw (Rau. 2): Madu Karai Kasang du sa nna up hkang nga ai rai nna, Bum ni hte kawng ni gaw nang hpe mahkawn mangoi na mara ai. Nam maling na hpun kawa ni yawng ta lahpawk dum na mara ai. Alleluia.

(Canticle)  Daniela 3:57-88, 56

Karai Kasang a shangun ma anhte yawng, Karai Kasang hpe shakawn kungdawn ga. (Shingran. 19:5)

Oh Madu a amu nlang hte, Madu hpe shagrau mu, Shi a hpung shingkang tsaw htum nga u-ga hte,

htani htana shakawn kungdawn a nga nga u-ga law. Madu a lamu kasa ni e, Madu hpe shagrau mu,

Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Lamu hta nga nga ai nanhte nlang mung, Madu hpe shagrau mu. Summwi ni hte lamu lahta tang nanhte mung,

Madu hpe shagrau mu. Madu a hpyen hpung, nanhte mung Madu hpe shagrau mu.

Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Jan hte shagan, nanhte mung Madu hpe shagrau mu. Lamu na shagan ni, nanhte mung Madu hpe shagrau mu.

Lamu marang hte marang ningzam, nanhte mung Madu hpe shagrau mu.

Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Katsi bungli hte nbung, nanhte mung Madu hpe shagrau mu. Wan hte kahtet ai hpan,  nanhte mung

Madu hpe shagrau mu. Katsi ai hte kahtet ai hpan, nanhte mung Madu hpe shagrau mu.

Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Marang ningzam hte numri ni, nanhte mung Madu hpe shagrau mu.

Katsi lagyi ai ni, nanhte mung Madu hpe shagrau mu. Katsi lagyi ai hte hkyen ni, Nanhte mung

Madu hpe shagrau mu. Shi a hpung shingkang tsaw htum nga u-ga hte, htani htana shakawn kungdawn

a nga nga u-ga law. Shani hte shana nsin, nanhte mung Madu hpe shagrau mu.

Nsin hte nhtoi, nanhte mung Madu hpe shagrau mu. Myihprap hte summwi, nanhte mung Madu hpe shagrau mu.

Shi a hpung shingkang tsaw htum nga u-ga hte; htani htana shakawn kungdawn a nga nga u-ga law.

Lamu ga gaw, Madu hpe shagrau u-ga. Shi a hpung shingkang tsaw htum nga u-ga hte, htani htana shakawn           kungdawn a nga nga u-ga law. Bum ni hte kawng ni, nanhte mung Madu hpe shagrau mu.

Ga ningtsa e tu nga ai hpun kawa yawng, nanhte mung Madu hpe shagrau mu.

Hka hpawk hka shi, nanhte mung Madu hpe shagrau mu. Shi a hpung shingkang tsaw htum nga u-ga hte,

htani htana shakawn kungdawn a nga nga u-ga law.

Hka nu hte panglai, nanhte mung Madu hpe shagrau mu. Panglai kaw rawng ai asak hkrung ai baw shagu,

nanhte mung Madu hpe shagrau mu. Lamu ningtsa e nga ai ntsa malen u ni, nanhte mung Madu hpe shagrau       mu.

Zai ai du sat du myeng mahkra, nanhte mung Madu hpe shagrau mu. Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Shinggyim masha yawng hte e, Madu hpe shagrau mu. Shi a hpung shingkang tsaw htum nga u-ga hte,

htani htana shakawn kungdawn a nga nga u-ga law.

Israela masha  ni e, Madu hpe shagrau mu. Hkyinjawng ni e, nanhte mung Madu hpe shagrau mu.

Madu a shangun ma ni, nanhte mung Madu hpe shagrau mu. Shi a hpung shingkang tsaw htum nga u-ga hte,

htani htana shakawn kungdawn a nga nga u-ga law. Dinghpring dingman ai ni a masin salum hte

wenyi ni e, nanhte mung Madu hpe shagrau mu. Sumnung ai hte chyoi pra ai salum ni, nanhte mung Madu hpe shagrau mu.

Ananias, azarias, Mizael, Madu hpe shagrau mu. Shi a hpung shingkang tsaw htum nga u-ga hte,  htani htana shakawn kungdawn a nga nga u-ga law.

Kawa, Kasha, Chyoi Pra ai Wenyi hpe shakawn kungdawn mu. Shi a hpung shingkang tsaw htum nga u-ga hte, htani htana shakawn kungdawn a nga nga u-ga law.

Madu e, Lamu mungdan hta shagrau sha-a nga u-ga law, Shi a hpung shingkang tsaw htum nga u-ga hte,

htani htana shakawn kungdawn a nga nga u-ga law.

Du sa ladaw: Madu Karai Kasang du sa nna uphkang nga ai rai nna, Bum ni hte kawng ni gaw nang hpe mahkawn mangoi na mara ai. Nam maling na hpun kawa ni, yawng ta lahpawk dum na mara ai. Alleluia.

Du sa ladaw (Rau. 3): Yu mu, grau htum ai myihtoi langai mi paw pru ai rai nna, shi gaw Yerusalem mare hpe nnan gram lajang na ra ai. Alleluia.

Shakawn kungdawn (149)

Karai Kasang a amyu rai nga ai Nawku Hpung masha ni gaw, nanhte a Hkawhkam Hkristu hta kabu awng nga na ra ai law.  (San Hesychius)

Madu hpe mahkawn ga nnan hte mahkawn mu; Chyoi pra ai ni a hpawng hta e,

Shi hpe shakawn kungdawn ai ga, mahkawn mu. Israela gaw shi a Hpan Wa Ningsang hta kabu nga nna,

Ziun a kashu kasha ni shanhte a Hkawhkam hta, sharawng awng nga mu ga.

Shi a amying ningsang hpe ka manawt let, Shup sheng hte tingse dum ai hte, Shakawn nga mu ga.

Kaning rai nme law, Karai Kasang gaw  Shi a amyu hta, awng nga ai rai nna,

Myit gyip nga ai ni hpe hkye hkrang la ai chyeju hte, mawn sumli mu ai.

Chyoi pra ai ni gaw hpung shingkang hta, sharawng awng nga mu ga

Shanhte a yup-ku ni hta mung, kabu gara let jahtau nga mu ga law.

Masha amyu ni hpe bai tai nna, Amyu baw ni hpe ari jaw na hte, Shanhte a hkawhkam ni hpe

hkang hkyi hkyang hte, Shanhte a arawng lu ai ni hpe hpri sumri hte gyit nna, Ka da nga ai the

maren, Shanhte hpe tara dara mu ga, Karai Wa a matu shanhte a n-gup hta; Mahkawn ga kaba

rawng nga nna, Shanhte a lata hta nshan lahkawng dai ai nhtu lang nga mu ga;

Dai gaw chyoi pra ai ni mahkra a matu, Hpung shingkang rai nga malu ai law.

Kawa, Kasha, Chyoi pra ai Wenyi kaw hkungga shakawn nga u ga.

        Shawng npawt na hte maren, ya mung, htani htaKana hkungga shakawn nga u ga law.

 

Du sa ladaw: Yu mu, grau htum ai myihtoi langai mi paw pru ai rai nna, shi gaw Yerusalem mare hpe nnan gram lajang na ra ai. Alleluia.

Chyum mungga                                                                                                                                  Roma    13: 11-12

        Dai hta kaga, ndai aten hpe nanhte chye nga myit dai majaw, nanhte a yup hprang wa na ahkying ya e pyi rai ra ai; kaning rai nme law, shawng nnan kam sham saga ai hta, dai hkye hkrang la ai gaw ya e nan anhte hte grau nna ni wa sai. Shana ahkying lai magang wa ra ai. Dai re majaw, nsin hte seng ai bungli hpe anhte raw sharun kau nna, nhtoi a hpyen hking hpe dagraw nga ga.

Shagrau aw law ga ( Benedictus ant.)

S      : Ahkrung nga ai Karai a Kasha Hkristu e, anhte hpe matsan dum rit.

N     : Madu gaw Mungkan ga de du sa ra ai. (S)

N     : Kawa, Kasha, Chyoi pra ai wenyi kaw hkungga shakawn nga u ga. (S)

Shakawn mahkawn gadun (Short responsory)

Laban (1): Maria e, hkum hkrit et. Chyoi pra ai wenyi gaw na a ntsa de du sa na ra ai. Kaning rai nme law, na a hkritung hta Karai a Kasha na-um na sin rai na ra ai. Alleluia.

                                                                                                                                (Zahkri a mahkawn ga) Luka 1:68-79

Dai Madu, Israela Karai Kasang gaw, A nga u-ga; Shi a amyu sha ni hpe gawan na, yu sa nna,

shanhte hpe hkye la wu ai.

Moi na chyoi pra ai ni rai nga ai. Myithtoi ni a n-gup hku nna, ga shaka tawn da sai hte maren;

Dawi a aru arat ni kaw nna, n-gun lagaw rawng ai, hkye la Madu hpe sharawt dat ya sai.

Madu gaw, n dawng n yawt ai hpyen ni a lata kaw nna, Anhte hpe shalawt ya na ru ai.

Dai rai nna, Shi a tsawra ai myit, ji wa ni hta dik wa sai hte, Shi a ga shaka hpe galoi mung dum nga na ra ai.

Shi gaw, anhte a Wa Abraham hpe Hkrit hpa lam hta na lawt lu na lam,

hpyen ni a lata hta na Hkrang shaw la na lam, jaw ya na matu ga shaka da sai.

Shing rai, Shi a man e anhte a prat tup, chyoi pra ai hte, ding hpring ai hku daw jau lu na ga ai.

Ma e, nang mung, Tsaw Htum ai Wa a myihtoi ngu hkam la na rin dai.

Shi a lam lajang shachyip na matu, Madu a shawng e, nang sa ra ndai.

Dai gaw, Shi a amyu masha ni hpe, tsaw htum ai shara kaw nna,

jahpawt manap nhtoi zawn sa du gawan ai hte, Karai Kasang a myit masin salum kaw nna,

tsawra matsan dum ai lam hte shanhte a shut hpyit mara ni hpe

raw kau ya ai hku nna shadan shaleng ya ai, hkye hkrang la ai lam rai nga ai.

Shi gaw, nsin hta rawng ai ni hte si ai shingnip hta nga nga ai ni hpe

nhtoi jaw ya nna, ngwi pyaw ai de anhte hpe lam shading ya na ra ai.

Kawa, Kasha, Chyoi pra ai Wenyi kaw hkungga shakawn nga u ga.

Shawng npawt na hte maren, ya mung htani htana hkungga shakawn nga u ga law.

Shawa akyu hpyi ga (Intercessions)

Laban (1 & 3)

N     : Wa e, nang anhte hpe na a kasha du sa na lam myit mada ala nga na matu chyeju jaw ya ndai.

S      : Madu a tsawra matsan myit anhte hpe jaw ya rit.

N     : Madu e, anhte hpe asak jaw ya rit. Madu bai du wa ai aten du hkra, a maja nga ai shangun ma ni anhte rai nga u ga. (S)

N     : Myit mada lam kaba hte ala nga ai ni hpang de, na a kasha hpe shangun dat ya rit, Nang Madu hpe hkan tam ai  ni kadai mung, kaman li la n rai u ga. (S)

N     : Anhte a magam bungli hte anhte hpe shaman ya rit. Na a Kasha hpung shingkang hte bai du sa ai. Hpang jahtum nhtoi du hkra, anhte hpe kam sham lam jaw ya rit. (S)

N     : Wa e, anhte a prat hta chyoi pra ai wenyi anga nga ai majaw, nang hpe chyeju dum shakawn nga ga ai. Dai chyoi pra wenyi gaw num la n-gin hka ai sha, masha yawng mayawng hpe Madu a Kabu gara shiga hte yaw masing lam hpe gun hpai ai ni shabyin shatai ya nga ndai. (S)

Laban (2 & 4)

N     : Anhte yup pyaw nga ai kaw na dum hprang na aten rai sai. Hkye hkrang la ai lam anhte kaw du magang ra ai hpe anhte kam sham ga ai.

S      : Madu a tsawra matsan myit anhte hpe jaw ya rit.

N     : Ninghtoi a kawa e, anhte nang hpe shakawn ga ai. Hkristu du sa na nhtoi du magang ra ai. Daini anhte hkam la ai Chyoi Pra Hkum a marang e myit mada lam hte kabu gara lam jaw ya rit. (S)

N     : Daini na kabu gara shiga hte maren, na a kasha du sa na lam anhte hpe shana ya ai. Na a mungga hku nna anhte a myit masin kraw lawang ni hpe jasu ya rit. (S)

N     : Na a kasha a Hkum hte Sai hpe hkam la ai a marang e, na a tsawra myit hku nna anhte hpe shachyoi shapra la ya rit. (S)

N     : Myit hkrum lam langai sha hte simsa lam hpe anhte gaw gap lu u ga. Hkristu du sa ai aten du hkra anhte a sak prat hpe rau jawm gaw gap lu u ga. (S)

Madu a akyu hpyi ga

Hpang jahtum akyu hpyi ga (Concluding prayer)

Laban (1): Mahkra dang chye ai Wa Karai Kasang e, Madu Hkristu bai du sa ai shaloi, na a chyeju hte anhte hkam la lu sai mai kaja ai akyu ara a apu asi ni hpe lang let, nang hpe hkap tau lu na ahkang jaw ya rit. Anhte hpe San Pra ai ni a wuhpung hta hkap la nna Sumsing lamu mungdan de woi wa na matu, htani htana ahkrung nga nna up hkang nga ai, anhte a Madu Hkristu a marang e, hpyi nem nga ga ai.

Shaman ai ga:

Mahkra dang chye nna, hpung shingkang arawng sadang hte hpring nga ai Wa Karai Kasang gaw, anhte hpe matsan dum let, shut hpyit mara raw dat ya nna, htani htana asak de woi wa mi ga law.

S:    Amen.

N     :       Madu Karai Kasang Wa hpe shakawn kungdawn nga ga law.

S      :       Karai Kasang hpe chyeju dum nga ga ai.