Hpung shingkang rawng ai Wa Karai Kasang e, Nang gaw ginding aga sak hkrung mahkrung yawng hte, rau nga nga ndai. Nang hpan da mada hpe tsawra matsan dum ai hte, ahpum da nga ndai.

Sak hkrung ai  tsit lali tsawm ai rai ni hpe, makawp maga chye na matu, Nang Wa a tsawra myit anhte hta bang ya rit. Kadai hpe mung dingbai dingna n jaw ai sha, yawng hte hpu nau myit hte sakhkrung nga na matu, ngwi pyaw simsa ai myit masin jaw ya rit.

            Matsan ai ni a Wa Karai Kasang e, Nang Wa a man kaw manu dawdan n lu ai, mungkan ga e kabai da, malap da hkrum ai ni hpe hkye la na matu,   garum ya rit.

Lamu ga hpe makawp maga nna, kadai hpe mung, hpyen myit n rawng na matu, anhte hta myit kaja bang ya rit. Madu e, mungkan ga hpe awu asin  shabyin ai, htenza shangun ai lailen ni hpe koi yen kau nna, mawn sumli shatsawm na myit, anhte hta bang ya rit.

            Matsan mayan re ni hte lamu ga a ntsa e, jamjau jaw  ai, tinang tingyeng akyu  hkrai tam  ai ni a salum hpe, ashun  shadum ya rit.

            Nang Wa hpan da mada gaw manu dan ai, yu mau hpa hkrai rai nga ai. Hpan da ai lam hpe sumru yu nna, akyu hpyi ra ai lam, anhte hpe sharin ya rit. Nang Wa a htani htana nhtoi shingkang de sa ai hkrun lam kaw hkawm nga ai anhte hpe, sakhkrung ai baw amyu shagu hte myit mang langai sha rai ra ai lam, shadum ya rit.

            Nang Wa, shani shagu anhte hte rau nga nga ndai majaw, Wa hpe chyeju dum ga ai. Dinghpring kangka ai bungli, shawang tsawra myit rawng ai bungli,  simsa ai lam hte seng ai  bungli ni hpe galaw nga ai anhte yawng hpe atsam jaw shaman  ya rit law Wa e.  Amen.

Laudato Si

Wa Sarabyin Francis