Ya aten anhte a San Luka College hpe masa lam a majaw jawng ma ni hpe laika sharin ya ai lam ni nlu galaw ga ai rai tim, Jawng hpe gaw matut nna hpaw da let, ra ai lam ni hpe galaw shakut nga ga re. Grau nna ya ten mungkan ting hta byin nga ai Covid 19 hpe ninghkap lu na matu, Covid 19 Response theme hpe mung hpaw nna shinggyim masha ni a asak hkye mawai ai magam hpe galaw nga ga ai re. Anhte San luka College response theme kaw nna, machyi masha marai 500 jan hpe ra tsin mawan jaw ai hte jep ya ai lam galaw ya lu saga ai re. Bai nna Covid 19 positive byin ai masha marai 200 jan hpe mung tsi tsi ya lu saga ai. Ndai zawn ap nawng daw jau ai magam hta myu hpung n gin hka let, Hristu a tsaw ra myit hte galaw daw nga ga ai. Anhte kaw garum hpyi sa ai ni yawng hpe  mai byin ai made garum ya nga ga ai. Madung lit la kawan gatsan ya ai shara ni gaw, Myitkyina hta kahtawng (22), IDP Camps (3), laga makam masham nbung ai ni hpe mung garum ya nga ga ai. Matut nna anhte a mung shawa tsi rung ni hta shara yak wa ai majaw machyi ai masha ni hpe tsi jaw na gawk hte Ma kanu ni a ma shangai gawk hpe mung hpaw da lu saga ai re. Ya hte ma langai hpe mung atsawm sha shangai dai daw ya lu saga ai. Anhte hpe ndai zawn garum lu hkra shaman ya ai Karai wa hte alu ja gumhpraw hku nna garum pawn ba la sai chyeju madu ni yawng hpe grai chyeju dum ga ai law. Karai wa shaman ya uga.