SHANI SHAGU AKYU HPYI GA

Kawa. Kasha. Chyoi Pra ai Wenyi a mying ningsang hte Amen.

 

Madu A Akyu Hpyi Ga

Sumsing lamu na anhte a Wa e, Na a mying ningsang chyoi pra nga lit ga; Na a mungdan du wa ru ga; lamu tang hta Na a myit dik nga ai htc maren. ga ntsa e mung dik wa u ga.

Shani shanang anhte ra ai lusha dai ni anhte hpe jaw mi. Masha ni anhte hpe shut ai mara anhte raw kau ya ai zawn. anhte a mara hpe mung raw kau ya mi. Agung alau nga ai de anhte hpe n du shangun ai sha, n kaja ai lam hta na shaw la mi law. Amen.

 

Awe Maria

Awe Maria, chycju hte hpring nga ndai; Nang hte Karai Wa nga ai. Num mahkra hta nang a lu ndai; Na a hkritung na Kasha Yesu mung a lu nga ai.

Chyoi Pra ai Maria, Karai a Kanu, ya mung si na aten hta mung, anhte shut hpyit ai ni a matu akyu ara hpyi ya rit. Amen.

 

Shakawn kungdawn Ga

Kawa, Kasha. Chyoi Pra ai Wenyi kaw hkungga shakawn nga u ga.

Shawng npawt na hte maren, ya mung, htani htana hkungga shakawn nga u ga law. Amen.

 

Kasa Ni A Kam Sham Ai Ga

Mahkra dang chye ai, lamu hte ga hpe hpan da ai, Kawa Karai Kasang hpe ngai kam sham ai. Shi a Kasha Shingtai anhte a Madu Yesu Hkristu hpe mung kam sham nngai. Dai Hkristu gaw Chyoi Pra ai Wenyi a atsam hte Hkawnsek Maria hta na-um nasin rai nna shangai sai. Punsiu Pilatu a lak htak e yubak hkam sai; udang ntsa e si hkam nna lup kau sai.

Katsan ga de yu sa nhtawm. masum ya nhtoi hta si ai ni kaw na bai hkrung rawt sai. Sumsing lamu de lung wa nna mahkra dang chye ai Kawa Karai Kasang a hkra maga e hkaw dung nga ai. Si ai hte hkrung ai ni hpe jeyang dawdan na matu hpung shingkang hte Shi bai du sa na ra ai. Chyoi Pra ai Wenyi hpe mung ngai kam sham ai. Chyoi Pra ai Kahtawlik Nawku Hpung; Chyoi Pra ai ni yawng Hkristu hta jawm pawng nga ai; shut hpyit mara raw ya ai; masha na hkum hkrang bai hkrung rawt na ra ai; htani htana asak nga ai; ndai lam ni yawng hpe ngai kam sham ai law.

 

Mara Tawngban Ai Ga

Mahkra dang chye ai Karai Kasang hpe mung, nanhte hpe mung hpu nau ni e, ngai shut hpyit sai majaw hpyi nem nga ai. Nye a myit hte rai tim. n-gup hte rai tim, amu hte rai tim, ra ai bungli hpe n gawlaw ai hte rai tim, shut hpyit kau ni ai;

NYE A MARA. NYE A MARA. NYE A GRAI KABA AI MARA RAI SA.

Dai majaw, dinggrin hkawnsek rai nga ai Chyoi Pra ai Maria, Lamu Kasa ni, San Pra ai ni yawng mayawng hte, nanhte mung hpu nau ni e. nye a matu Madu Karai Kasang kaw hpyi garum ya marit law.

 

Myit Malai Ai Ga

Wa Karai Kasang e, shut hpyit ai wa ngai hpe matsan dum la rit. Ngai myit malai lu ni ai; ya kaw nna shut hpyit mara hpe koi yen kau lu na chyeju jaw ya rit.

 

Kam Sham Ai Ga

Dingman ai Karai Wa e, Nang gaw shut n chye masu n chye ai majaw, Nang tsun da ai mungga nga manga hpe ngai kam sham nngai. Na a Nawku Hpung sharin ya ai lam ni hpe mung ngai myit jung nna kam ai law.

 

Myit Mada Ai Ga

Karai Kasang e, Na a tara hpe ding ding man man lang na matu. ya ndai dinghta ga ntsa e ra ai chyeju ni Nang garum ya na hpe ngai kam hpa nga ai. Hpang de sumsing lamu e n htum n wai ngwi pyaw simsa mung jaw na ra ai hpe ngai myit mada nga ai rai.

 

Tsaw Ra Ai Ga

O tsaw ra ai Karai Wa e, nye myit masin n-gun mahkra hte Nang hpe tsaw ra nngai. Na a matu manang wa hpe mung, nye a hkum hte maren tsaw ra nngai law.

 

Madu a Lamu Kasa

N. Madu a Lamu Kasa Maria hpe ga shana sai;
S. Shi mahtang Chyoi Pra ai Wenyi a hpung dagu hte na-um nasin rai wa sai law. (Awe Maria)
N. Yu u, Madu a mayam jan ngai rai nga nngai:
S. Na a ga hte maren ngai hta byin wa u ga. (Awe Maria)
N. Mungga gaw masha tai wa sai.
S. Anhte hte rau a nga nga ai law. (Awe Maria)
N. Hkristu a ga ndat ni hpe anhte hkam ging wa na matu.
S.Karai a Chyoi Pra ai Kanu e, anhte a matu akyu ara hpyi ya rit law.

S.Karai a Chyoi Pra ai Kanu e, anhte a matu akyu ara hpyi ya rit law.

Wa Karai Kasang e, lamu kasa Maria hpe ga shana ai kaw nna Nsha Hkristu masha tai wa ai lam hpe anhte chye lu saga ai. Dai Hkristu yubak hkrum ai hte udang ntsa e si hkam ai a marang e. Shi bai hkrung rai ai hpung shingkang de anhte du lu na matu shani shagu ra ai chyeju jaw ya mi law. Anhte a Madu Hkristu a marang e hpyi nem nga ga ai.

 

Sumsing Lamu A Hkawhkam Jan

N. Sumsing lamu a Hkawhkam Jan e, kabu gara u law, alleluia.
S. Kaning rai nme law, nang ba ging sai Wa gaw, alleluia.
N. Shi tsun da sai hte maren. bai hkrung rawt sai, alleluia.
S. Karai Wa kaw anhte a matu akyu ara hpyi ya ril law, alleluia.
N. Kabu gara nna, awng sharawng rai u law, Mahkawn Maria e, alleluia.
S. Kaning rai nme law, Madu gaw gaja wa bai hkrung rawt wa sai, alleluia.
N. Nsha Yesu Hkristu anhte a Madu bai hkrung rawt ai hte mungkan ga hpe kabu shangun ai Wa Karai Kasang e, Nang hpe anhte hpyi nem ga ai law.
Shi a Kanu Hkawnsek Maria a marang e, n htum n wai kabu gara ai jaw ya rit law. Anhte a Madu Hkristu a marang e hpyi nem nga ga ai. Amen.

 

Yesu, Maria, Yosep

Yesu, Maria, Yosep, nye a nsa wenyi hte hkum hkrang hpe nanhte kaw ap ya nngai.

Yesu, Maria, Yosep, si na aten du jang, ngai hpe garum matsan dum la ma rit.

Yesu, Maria, Yosep, nanhte a la hpyen hta ngai angwiapyaw si wa lu u ga law.

 

Sin ai Lamu Kasa

Ngai hpc sin nga ai Lamu Kasa e, nang kaw ngai hpc matsan dum ai Karai Wa ap da sai. Ngai hpe myit shaleng ya rit. makawp maga la rit, up hkang la rit law.

 

Jahpawt Akyu Hpyi Ga

Madu Yesu e, Na Salum Ningsang ra ai hte maren byin wa u ga; dai ni na akyu hpyi ga ni hpe mung, amu bungli htc nni nkri yubak lam ni hpe mung, Maria a san pra ai Salum a marang e, Nang Madu kaw ngai ap ya nngai.

(Sumsing Lamu. Awe Maria, Kasa ni a Kam Sham ai Ga, Mara Tawngban ai, Kam Sham ai, Myit malui ai, Tsaw ra ai hte Sin ai Lamu Kasa akyu hpyi ga hpe tsun mai ai)

 

Shana Akyu Hpyi Ga

Wa Karai Kasang e, Nang hpe ngai nawku ai hte. nye a masin salum mahkra hte Nang hpe tsaw ra nngai.

Ngai hpe hpan da sai hte Hkristu a sape shatai da sai rai nna, dai ni tup bau sin da ai majaw, chyeju htang jaw nngai.

Dai na e, agung alau hte n kaja ai hta na ngai hpe maga la rit; dingnyawm dagup hpyi ncm nga ai law.

Nye a matu chyu sha n rai; Na a Nawku Hpung. Sarabyin. Saradaw. Jau ni a matu mung; jinghku jingyu ni a matu mung hpyi nga ai; shanhte ra ai hte maren garutn ya u law; anhte a Madu Hkristu a marang c hpyi ncm nga ga ai. Amen.