Wa sarabyin ni a matsun maroi ga ni (14 September,2020)

Tsawra ai gaw amying lu nga ai

Hpan Madu Wa Karai Kasang hte Hkyela Madu Yesu Hkristu gaw, ‘Shi hkum Shi sadi dung ma ai’, shinggyim masha hte mungkan ga ntsa hta mung sadi dung ma ai. Ndai lam hpe hpan da ai shani e Shi nan hpaw tsun dan sai. Shi a tsawra ai myit hpe n dawm la kau ai. Dai majaw “Kawa Karai Kasang gaw mara n lu ai Shi a Kasha shingtai hpe shingyim masha ni a mara gun la shangun sai.” Mara n lu ai wa hpe mara gun shangun ai gaw, hpan da ai arai mahkra hta nna, tsawra myit mahtang grau kaba nga ai ngu ai lachyum rai nga ai. “Karai Kasang gaw tsawra ai myit rai nga ai.” Dai tsawra ai myit gaw si hkrung si htan hta pyi grau atsam kaba nga ai. Dai tsawra ai gaw galoi mung masha hpe sharawt ya lu ai. Mara dat ya lu ai. Bai nhtang wa ai kasha hpe hkap tau la na, jin jin rai nga ai.Karai Kasang a kasha ni hpe hpung shingkang madun na matu galoi mung tam nga ai. Ndai zawn tsawra ai myit hpe hpaw madun dan ai gaw matsan dum ai majaw mung rai nga ai. Shing rai Shinggyim masha labau hta tsawra matsan dum ai hpe hkrang shapraw ya ai rai nga ai. Dai wa gaw kadai rai ngu san yu jang, Shi a mying gaw Yesu Hkristu nan rai nga ai.
Wa sarabyin John Paul II, Encyclical Redemptor Hominis (1979), 9